Description
Ryk vrou is 'n titel oor belegging vir vroue. Waarom dan 'n titel oor belegging net vir vroue skryf? Daar is 'n baie goeie rede. Die hoe van belegging - hoe om 'n aandeel te koop en te verkoop of hoe om 'n winsgewinde huureiendom te vind - is vir vroue dieselfde as vir mans. Wat anders is, is die unieke probleme wat vroue ten opsigte van geld- en beleggingsake ervaar. Die volgende statistieke is skrikwekkend: (Hierdie statistieke geld vir die VSA. In baie ander lande verskil die persentasies, hoewel die tendense ooreenstem.) 47% van vroue ouer as 50 jaar is alleenlopend. 50% van huwelike eindig in die skeihof. (Egpare stry die heel meeste oor geld.) In die eerste jaar na 'n egskeiding daal 'n vrou se lewenspeil met gemiddeld 73%. Drie uit elke vier bejaardes wat in armoede leef, is vroue, hoewel 80% van hulle nie arm was toe hul mans nog geleef het nie. 90% van alle vroue sal een of ander tyd alleen vir hul geldsake verantwoordelik wees. Laat ons maar eerlik wees, vroue, wat vir ons ma's en oumas gewerk het, geld nie meer vandag vir ons, ons dogters en ons kleindogters nie. Dit het tyd geword dat vroue slimmer met hul geld omgaan. Dit is my passie om vroue op te lei en aan te moedig om die finansiele sekuriteit en gemoedrus wat hulle begeer en verdien, in hul eie lewe te bewerkstellig. As jy dit ook begeer, vertrou ek dat hierdie titel vir jou van besondere nut sal wees en wens ek jou sukses toe as 'n Ryk Vrou!